धनकुटामा जुवातास खेलिरहेको अवस्थामा ११ जना पक्राउ

धनकुटा, धनकुटाको पाख्रीबास बजारमा जुवातास खेलिरहेको अवस्थामा ११ जना पक्राउ परेका छन् । पाख्रीबास नगरपालिका-४ स्थित बजारबाट उनीहरूलाई प्रहरीले पक्राउ गरेको हो ।

पक्राउ पर्नेमा पाख्रीबास नगरपालिका-२ का ३७ वर्षीय टेकनाथ अधिकारीसहित ११ जना रहेका छन् । मंगलबार बेलुकी जिल्ला प्रहरी कार्यालय धनकुटाबाट खटिएको विशेष टोलीले उनीहरूलाई नियन्त्रणमा लिएको हो ।

प्रहरीले उनीहरूको साथबाट नगद ४१ हजार ५ सय २७ रुपैयाँ र १ बुक तास समेत बरामद गरेको छ । नेपाल प्रहरी प्रधान कार्यालयले यस घटना, सम्बन्धमा थप अनुसन्धान भइरहेको जनाएको छ ।