बडा दशैँ २०८३ को हार्दिक मङ्गलमय शुभकामना!

या देवी सर्वभूतेषु शक्तिरूपेण संस्थिता, नमस्तस्यै नमस्तस्यै नमस्तस्यै नमो नमः।

हिमाल, पहाड र तराईका समस्त भूगोललाई आपसी सद्भाव, भाइचारा र साझा सांस्कृतिक चेतनाको सुदृढ सूत्रमा आबद्ध गर्ने नेपालीहरूको महान् राष्ट्रिय पर्व बडा दशैँ तथा विजया दशमीको पावन अवसरमा, देश तथा विदेशका विभिन्न भूभागमा छरिएर रहनुभएका सम्पूर्ण आदरणीय दाजुभाइ तथा दिदीबहिनीहरूमा सुख, शान्ति, सुस्वास्थ्य, दीर्घायु, उत्तरोत्तर प्रगति एवं समृद्ध जीवनको हार्दिक मङ्गलमय शुभकामना व्यक्त गर्दछु।

आजको तीव्र आर्थिक-सामाजिक रूपान्तरण र जलवायुजन्य परिवर्तनका चुनौतीहरूको सामना गरिरहेको समकालीन युगमा दशैँ केवल पारिवारिक जमघट र रातो टीका-जमराको पर्व मात्र होइन; यो आपसी सम्बन्धलाई प्रगाढ बनाउने, विगतका अनुभवबाट पाठ सिकेर नयाँ ऊर्जाका साथ राष्ट्र निर्माणमा जुट्ने र देशको दिगो विकासको साझा संकल्प लिने महत्वपूर्ण अवसर पनि हो।

पूर्वाधार विकास, जलवायु अनुकूलन, अर्थतन्त्र र विज्ञान-प्रविधिका विभिन्न क्षेत्रमा अहोरात्र खटिएर देशलाई आत्मनिर्भरतातर्फ डोर्‍याउन योगदान पुर्‍याइरहनुहुने सम्पूर्ण विज्ञ, इन्जिनियर, अनुसन्धानकर्मी, उद्यमी, श्रमजीवी, पेसाकर्मी तथा युवा वर्गको भूमिका आजको राष्ट्रिय सन्दर्भमा अत्यन्तै प्रशंसनीय छ। विषम भौगोलिक तथा आर्थिक-सामाजिक परिस्थितिका बाबजुद पनि नवप्रवर्तन र दृढ सङ्कल्पका माध्यमबाट देशको मुहार फेर्न यहाँहरूले खेल्नुभएको भूमिका अतुलनीय छ।

प्रकृति र संस्कृतिको सुसंवादबिनाको विकास दिगो हुन सक्दैन भन्ने मान्यताका साथ, आद्यशक्ति नवदुर्गा भवानीले हामी सबैलाई प्राकृतिक स्रोतको संरक्षण गर्दै सन्तुलित, सुरक्षित र जलवायु-मैत्री पूर्वाधार निर्माणतर्फ अग्रसर हुने प्रेरणा प्रदान गरून्। विजया दशमीको यस पावन पर्वले प्रत्येक नेपालीको घर-आँगनमा नयाँ आशा, ऊर्जा र समृद्धिको ढोका खोल्न सकोस्।

पुनः बडा दशैँको हार्दिक शुभकामना!
जय मातृभूमि!

डा. दिनेशचन्द्र देवकोटा
राष्ट्रिय योजना आयोगका पूर्व उपाध्यक्ष
बागमती प्रदेशका पूर्व भौतिक पूर्वाधार विकास मन्त्री
पूर्वाधार तथा जलवायु विज्ञ