गुण एयरलाइन्सका सञ्चालक राजेन्द्र शाक्य पक्राउ

ललितपुर, जावलाखेल — प्रहरीले गुण एयरलाइन्सका सञ्चालक राजेन्द्र शाक्यलाई बुधबार पक्राउ गरेको छ। एसएसपी शिवकुमार श्रेष्ठका अनुसार, शाक्यमाथि प्रभु बैंक लिमिटेडलाई ठूलो नोक्सानी पुर्याएको आरोप छ।

सिआइबीको टोलीले उनलाई पक्राउ गरेको हो। यसअघि सिआइबीले प्रभु बैंकका सीईओ अशोक शेरचनसहित तीन जनालाई पनि पक्राउगरिसकेको छ। बैंकिङ कसुर ऐनअनुसार अनुसन्धानको म्याद थप गर्दै केस अघि बढाइएको छ।

राजेन्द्र शाक्यको गिरफ्तारीले बैंकिङ जगत र विमान सेवा क्षेत्रमा हलचल मच्चाएको छ।