आफ्नै श्रीमतीको हत्या आरोपमा श्रीमान् पक्राउ

पर्वत, २५ कात्तिक ।
पर्वतको मोदी गाउँपालिका–६ दराकमा एक हृदयविदारक घटना घटेको छ। ५१ वर्षीय जितबहादुर विकले आफ्नै श्रीमती ५२ वर्षीया सिता विकको हत्या गरेको आरोपमा प्रहरीले उनलाई पक्राउ गरेको छ।

प्रहरीका अनुसार, जितबहादुरले श्रीमतीलाई कुटपिट गर्दा सिता गम्भीर घाइते भएकी थिइन्।
घाइते अवस्थामै अस्पताल पुर्याइएकी सिताको प्रदेश अस्पताल कुश्मामा उपचारका क्रममा मृत्यु भएको हो ।

घटनाबारे जानकारी मिल्नेबित्तिकै प्रहरी चौकी देउपुर डिमुवाबाट खटिएको टोलीले जितबहादुरलाई गए राति नै नियन्त्रणमा लिएको हो।

प्रहरीका अनुसार, घटना घरेलु विवादबाट सुरु भएको हुनसक्ने अनुमान गरिएको छ, तर विस्तृत अनुसन्धान भइरहेको छ।