धनुषामा आगलागी! बस र टिपरसहित करोडौँको क्षति

धनुषा, १९ कात्तिक | विशेष रिपोर्ट

धनुषाको मिथिला नगरपालिका–५ श्रीपुरमा रहेको एक इन्जिनियरिङ वर्कशपमा भीषण आगलागी हुँदा ठुलो आर्थिक क्षति भएको छ।

महोत्तरी बर्दिवास नगरपालिका–९ का अवधेश महतोले सञ्चालन गर्दै आएको जयबाबा विश्वकर्मा इन्जिनियरिङ वर्कशपमा बुधबार बिहान विद्युत सर्ट भएर आगो लागेको थियो।

आगलागीबाट वर्कशपमा मर्मतको लागि राखिएको

• 🚍 प्रदेश ०१–०२–००१ ख ९६०१ नम्बरको बस र

• 🚛 ना.८ ख ८२३९ नम्बरको टिपर
  पूर्णरूपमा जलेर नष्ट भएका छन्।

त्यस्तै,

• 🛻 प्रदेश २–०३–००१ ख ६९६२ नम्बरको टिपर र

• 🚚 ना.५ ख ८५३० नम्बरको टिपर
  आंशिक रूपमा जलेर क्षति पुगेको प्रहरीले जनाएको छ।

प्रहरी, स्थानीयबासी र दमकलको सहयोगमा आगो नियन्त्रणमा लिइएको छ। प्रारम्भिक अनुमान अनुसार करोडौँको धनमाल क्षति भएको बताइएको छ।

प्रहरीले घटनाको आवश्यक अनुसन्धान जारी राखेको छ।