माछा मार्ने क्रममा करेन्ट लाग्दा युवकको मृत्यु

सिन्धुली, १३ कात्तिक — ठाँटी खबर

सिन्धुलीमा करेन्ट लागेर एक युवकको ज्यान गएको छ।
तीनपाटन गाउँपालिका–१०, लङ्गुरखोला बस्ने २० वर्षीय धन बहादुर लामिछाने बिहीबार बिहान करेन्ट लगाएर माछा मार्ने क्रममा विद्युतीय झटका खाँदा मृत्यु भएका हुन्।

प्रहरीका अनुसार लामिछाने करेन्टको झटका खाँदा गम्भीर घाइते भएका थिए।
उनीलाई उपचारका लागि लङ्गुरखोला आधारभूत स्वास्थ्य केन्द्र लैजाने क्रममा बाटोमै मृत्यु भएको हो।

घटनाबारे प्रहरीको टोलीले थप अनुसन्धान गरिरहेको जनाएको छ।