बर्दिबासमा जुवातास खेल्दै ७ जना समातिए

२ लाखभन्दा बढी नगदसहित प्रहरीले घरमै हान्यो छापा 

महोत्तरी, १३ कात्तिक — ठाँटी खबर
महोत्तरीको बर्दिबासमा प्रहरीले जुवातास खेलिरहेको अवस्थामा सात जनालाई पक्राउ गरेको छ।
बर्दिबास नगरपालिका–७ का कृष्ण बहादुर तमाङको घरमा खेल भइरहेको जुवातासमा, सिराहा मिर्चैया नगरपालिका–४ का २१ वर्षीय भगवान बाबु साहसहित सात जनालाई बिहीबार दिउँसो नियन्त्रणमा लिइएको हो।

इलाका प्रहरी कार्यालय बर्दिबासबाट खटिएको टोलीले नगद रु. २,३६,५७५ र ३ बुक तास बरामद गरेको जनाएको छ।
प्रहरीका अनुसार पक्राउ परेकामाथि जुवा ऐन अन्तर्गत कानुनी कारबाही अघि बढाइएको छ।

स्थानीयहरूले भने पछिल्ला दिनमा बर्दिबास क्षेत्रमा जुवातास र सट्टेबाजी बढ्दै गएको भन्दै प्रहरीको कडाइको स्वागत गरेका छन्।