चितवनमा ब्राउनसुगर सहित तीन जना पक्राउ

खैरहनीमा राति गरिएको प्रहरी अपरेसनमा लागुऔषधसहित समातिए युवकहरू

चितवन, १३ कात्तिक —
चितवन प्रहरीले अवैध लागूऔषध नियन्त्रण अभियानलाई तीव्र बनाउँदै गएको छ। सोही क्रममा खैरहनी नगरपालिका–१, आचार्य टोल निवासी ३१ वर्षीय रोहन गान्धारीसहित तीन जनालाई ब्राउनसुगर जस्तो देखिने करिब १ ग्राम ३ सय ६० मिलिग्राम लागूऔषधसहित पक्राउ गरेको छ।

बुधबार राति इलाका प्रहरी कार्यालय खैरहनीबाट खटिएको विशेष टोलीले गोप्य सूचनाका आधारमा उनीहरूलाई नियन्त्रणमा लिएको हो।

प्रहरीका अनुसार बरामद पदार्थ प्राथमिक परीक्षणमा ब्राउनसुगर जस्तो देखिए पनि, प्रयोगशालामा थप परीक्षणपछि मात्र अन्तिम नतिजा आउनेछ। पक्राउ परेका तीनै जनामाथि लागुऔषध नियन्त्रण ऐन २०३३ अनुसार अनुसन्धान भइरहेको प्रहरी स्रोतले जनाएको छ।

स्थानीय बासिन्दाले खैरहनी क्षेत्रमा पछिल्ला दिनमा लागूऔषध दुव्र्यसन बढ्दै गएको भन्दै प्रहरीलाई थप निगरानी बढाउन आग्रह गरेका छन्।