आगलागीबाट विभिन्न धनमाल जलेर नष्ट

काठमाडौं, २१ असोज

​मोरङ, कानेपोखरी गाउँपलिका-५ चिसाङ बस्ती बस्ने मदन मगरको घरमा विद्युत सर्ट भई मंगलबार बिहान लागेको आगो फैलिएर नजिकै रहेको उनकै भाई सन्तोष मगरको घरमा समेत आगलागी हुँदा दुबै जनाको गरी करिब ८ लाख रूपैयाँ बराबरको धनमाल जलेर नष्ट भएको छ ।

​धादिङ, खनियाबास गाउँपालिका-३ कुरी बस्ने सेतेमान तामाङको घरमा मंगलबार बिहान आगलागी भएको छ । आगलागीबाट भएको क्षतिको विवरण हाल खुलेको छैन ।

​लमजुङ, बेसीशहर नगरपालिका-७ कोईराली बस्ने रन्जना रावतको भान्सा कोठामा मंगलबार बिहान आगलागी भएको छ । आगलागीबाट भएको क्षतिको विवरण हाल खुलेको छैन ।

प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।