आगलागीबाट विभिन्न धनमाल जलेर नष्ट

काठमाडौं, १९ असोज

रौतहट, वृन्दावन नगरपालिका-५ नरकटिया बस्ने कृष्णा बैठाको घरमा गए राति आगलागी हुँदा करिब २ लाख रूपैयाँ बराबरको धनमाल जलेर नष्ट भएको छ ।

संखुवासभा, सभापोखरी गाउँपालिका-१ बर्खे बस्ने टेक बहादुर राईको घरमा विद्युत सर्ट भई शनिबार दिउँसो आगलागी हुँदा करिब २ लाख ३५ हजार रूपैयाँ बराबरको धनमाल जलेर नष्ट भएको छ ।

काभ्रे, पनौती नगरपालिका-३ तेलमारे बस्ने राजु सापकोटाको घरमा शनिबार राति आगलागी हुँदा करिब ३ लाख रूपैयाँ बराबरको धनमाल जलेर नष्ट भएको छ ।

प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।