नव नियुक्त प्रधानमन्त्री कार्कीको पिएसओमा डीएसपी निशान थापा

काठमाडौं। नव नियुक्त प्रधानमन्त्री सुशिला कार्कीको व्यक्तिगत सुरक्षा अधिकृत (पिएसओ)मा डीएसपी निशान थापालाई खटाइएको छ । आईजीपी चन्द्रकुवेर खापुङले कार्कीको सुरक्षामा थापालाई पठाउने निर्णय गर्नुभएकोहो ।

जेनजी प्रदर्शनको भावना अनुसार संविधानको धारा ६१ प्रयोग गर्दै राष्ट्रपति रामचन्द्र पौडेलले कार्कीलाई शुक्रबार प्रधानमन्त्री नियुक्त गर्नुभएको हो । कार्कीले शितल निवासमा शपथ लिनुभएको छ । नव नियुक्त प्रधानमन्त्री बालुवाटारमा नै बस्नुहुने भएको छ । जेनजी प्रदर्शनको क्रममा प्रधानमन्त्रीको निवासमा आगजनी भएपनि मुख्य निवासमा आगजनी नभएको हुनाले त्यहि बस्न लागिएको प्रधानमन्त्री तथा मन्त्रीपरिषद् कार्यालयका एकजना अधिकृतले बताउनु भयो   ।

जेनजी प्रदर्शन नियन्त्रण बाहिर गएपछि भदौ २४ मा केपी शर्मा ओलीले प्रधानमन्त्री पदबाट राजिनामा दिएर बालुवाटार छाड्नुभएको थियो । त्यसपछिको नयाँ परिस्थिती अनुसार ६ महिनाभित्र प्रतिनिधिसभाको निर्वाचन सम्पन्न गर्नेगरी राष्ट्रपतिले कार्कीलाई नियुक्त गर्नुभएकोहो ।