बुढानिलकण्ठ नगरपालिकाले भब्य रुपले ल्होछार/लोसार शुभकामना आदनप्रदान गर्ने भएको छ !

यही मिती २०८१ माघ २६ गते शनिबार बिहान दश बजे देखी साँझ पाँच बजे सम्म ज्येष्ठ नागरिक पार्क गोल्फुटारमा बुढानिलकण्ठ नगरपालिकाले तमु, सोनाम र ग्याल्बो ल्होछार/ लोसार मान्ने सबै समुदायलाई समेटी संयुक्त रुपमा शुभकामना आदन प्रदान कार्यक्रम गर्ने भयको छ !

उक्त कार्यक्रमको प्रमुख आतिथ्यमा नेपाल सरकारका सुचना तथा संचार मन्त्री पृथ्वी सुब्बा गुरुङ रहनुहुनेछ, साथै उक्त कार्यक्रममा बिभिन्न समुदाय हरुको भेसभुसा,सांकृतिक झाँकी, नृत्य, सांगितिक प्रदर्शनि तथा जातिय खान पान र मौलिक बस्तु हरुको स्टल तथा प्रदर्शनि हुने हुनेछ !

नगरपालिकाको कार्यलयमा बुधबार आयोजित पत्रकार सम्मेलनमा सबै समुदायलाई समेटी ल्होसार कार्यक्रम गर्न लागेको नगर उपप्रमुख अनिता लामाले जानकारी दिइन् ।

उक्त सम्मेलनमा नगरका प्रमुख प्रशासकीय अधिकृत तुल्सीराम अर्याल, नगरका जनप्रतिनीधिहरु, विभिन्न संघसंस्थाका प्रतिनीधिहरु, ल्होसार पर्व मनाउने विभिन्न जातजातिका प्रतिनीधिहरु लगायतको उपस्थिति थियो ।