विपद्द्मा सानिमा रिलायन्स लाइफको मानवीय साथ : ७२ लाख रुपैयाँ राहत कोषमा

काठमाडौँ। २०८३ साल भदौ १० गते आएको विनाशकारी बाढीबाट प्रभावित परिवारलाई राहत तथा मानवीय सहयोग पुर्‍याउने उद्देश्यले कम्पनीले नेपाल सरकारको राहत तथा पुनर्निर्माण अभियानमा ऐक्यबद्धता जनाउँदै ५१ लाख रुपैयाँ योगदान गरेको हो।

त्यसैगरी, कम्पनीका सञ्चालक तथा कर्मचारीहरूले समेत मानवीय भावनाका साथ २१ लाख रुपैयाँ योगदान गरेका छन्। सञ्चालक र कर्मचारीको योगदानसहित कुल ७२ लाख रुपैयाँको एकमुष्ट रकम प्रधानमन्त्री दैवी प्रकोप उद्धार कोषमा जम्मा गरिएको छ।

उक्त सहयोग रकमको चेक अर्थमन्त्री डा. स्वर्णिम वाग्लेलाई हस्तान्तरण गरिएको हो।

विपद्को पीडामा परेका नागरिकलाई राहत दिन निजी क्षेत्र, कर्मचारी तथा संस्थागत नेतृत्व एकजुट भएर अघि बढेको यो पहलले ‘विपद्मा हामी एक छौँ’ भन्ने सकारात्मक सन्देश दिएको छ।

सानिमा रिलायन्स लाइफको यो सहयोगले तत्कालीन राहतसँगै प्रभावित नागरिकको पुनःस्थापना र पुनर्निर्माणमा समेत योगदान पुग्ने विश्वास गरिएको छ। कठिन परिस्थितिमा पीडितको दुःखलाई आफ्नै दुःख सम्झेर गरिएको यस्तो मानवीय सहयोगले समाजमा सहयोग, एकता र आशाको भावना थप बलियो बनाउने अपेक्षा गरिएको छ।