एनएमबि बैंकद्वारा नयाँ विद्युतीय सवारी साधनका लागि Base Rate + ०.५% मै ‘ईभी अटो लोन’ सुरु

काठमाडौं । एनएमबि बैंक लिमिटेडले नयाँ विद्युतीय सवारी साधन (New EV) खरिदका लागि Base Rate + ०.५ प्रतिशतको आकर्षक ब्याजदरमा ‘ईभी अटो लोन’ योजना सार्वजनिक गरेको छ।

नाडा (NAIMA) अटो एक्स्पोलाई लक्षित गर्दै बैंकले वातावरणमैत्री यातायात र दिगो बैंकिङलाई प्रवर्द्धन गर्ने उद्देश्यले यो किफायती ईभी कर्जा योजना ल्याएको जनाएको छ।

बैंकका अनुसार सीमित अवधिका लागि उपलब्ध यो कर्जा सरल र छिटो प्रक्रियाबाट लिन सकिनेछ। इच्छुक ग्राहकले एक्स्पोमा रहेको बैंकको स्टल नं. ०५ वा देशभर रहेका एनएमबि बैंकका शाखामार्फत सहज रूपमा आवेदन दिन सक्नेछन्।

एनएमबि बैंकले हाल देशभर १९८ शाखा, १७६ एटीएम तथा ९ एक्सटेन्सन काउन्टरमार्फत सेवा प्रदान गर्दै आएको जनाएको छ।

नयाँ विद्युतीय सवारी साधन खरिद गर्न चाहने ग्राहकका लागि कम ब्याजदर र सरल प्रक्रियाको ईभी कर्जा योजना आकर्षक विकल्प बन्न सक्ने देखिएको छ।