सुनसरीमा नक्कली नोटको कारोबार भण्डाफोर, २५ वर्षीय युवक पक्राउ

सुनसरी, २२ माघ — नेपाली एक हजार दरका नक्कली नोट २८ थानसहित एक युवकलाई प्रहरीले पक्राउ गरेको छ।

हरिनगरा गाउँपालिका–१ बाट इनरूवा नगरपालिका–१० बस्ने २५ वर्षीय बहिस मियालाई बुधबार राति पक्राउ गरिएको हो।

प्रहरी चौकी भुटाहाबाट खटिएको प्रहरी टोलीले शंकास्पद गतिविधिमा संलग्न रहेको सूचनाका आधारमा बहिस मियालाई नक्कली नोटसहित नियन्त्रणमा लिएको जनाएको छ।

घटनासम्बन्धी थप अनुसन्धान भइरहेको प्रहरीले जानकारी दिएको छ। नक्कली नोट कारोबारमा संलग्न अन्य व्यक्तिहरूको खोजी पनि तीव्र पारिएको छ।