सुनले तोड्यो इतिहास! नेपाली बजारमा नयाँ कीर्तिमान – तोलामा २ लाख ६१ हजार ७००

काठमाडौँ ।
नेपाली बजारमा सुनको मूल्यले फेरि एकपटक सबैलाई चकित पार्दै इतिहासकै उच्च रेकर्ड बनाएको छ। सोमबार सुनको मूल्य तोलामा २ लाख ६१ हजार ७०० रुपैयाँ पुगेको छ, जुन अहिलेसम्मकै सबैभन्दा महँगो मूल्य हो।

नेपाल सुनचाँदी व्यवसायी महासंघका अनुसार यसअघि आइतबार सुनको मूल्य तोलामा २ लाख ५८ हजार ३०० रुपैयाँ थियो। एकैदिनमा भएको यो उछालले बजार तताएको छ भने लगानीकर्ता र सर्वसाधारण दुवै चासोमा परेका छन्।

महासंघका अनुसार सोमबार १० ग्राम सुनको मूल्य २ लाख २४ हजार ३६५ रुपैयाँ कायम भएको छ।

चाँदी पनि हलचलमा
यसैबीच चाँदीको मूल्यमा पनि परिवर्तन देखिएको छ। आइतबार तोलामा ४ हजार १०५ रुपैयाँ रहेको चाँदी सोमबार तोलामा २ हजार २३५ रुपैयाँ कायम भएको महासंघले जनाएको छ।

अन्तर्राष्ट्रिय बजारको उतार–चढाव, लगानीको बढ्दो आकर्षण र आर्थिक अनिश्चितताले सुनचाँदीको मूल्यलाई नयाँ उचाइतर्फ धकेलिरहेको विश्लेषकहरू बताउँछन्।

अब प्रश्न उठ्छ— सुन अझै महँगिन्छ कि यहीँ रोकिन्छ?
तपाईंको विचार के छ?