अहंकार र सफलताको नशा – सुदिन ढकाल

सुन्दैछु हिजोआज तिमी मातमा छौ अरे,
पैसा र पावरको साथमा छौ अरे।
आफू बिना संसार चल्दैन भन्दै,
सफलताको नशामा हराउँदै छौ अरे।

उचाइ चुम्दा जमिन बिर्सिन थालेछौ,
आफ्नै छायाँलाई पनि टाढा सार्दैछौ।
आज ताली बज्ने हातहरू साथ छन्,
भोलि सायद तिमीलाई नै छोड्दैछन्।

अहंकारले आँखा छोपेछ तिम्रो,
साँचो बाटो कतै हराउँदै छ अरे।
समयले सबैलाई पाठ सिकाउँछ एकदिन,
त्यो दिन तिमी आफैँलाई खोज्दै छौ अरे।