सिटिजन लाइफको साधारणसभा सम्पन्न

काठमाडौं । सिटिजन लाइफ इन्स्योरेन्स कम्पनी लिमिटेडको आठौं वार्षिक साधारणसभा कम्पनीका संचालक समितिका अध्यक्ष प्रदिप जङ्ग पाण्डेको अध्यक्षतामा आज  काठमाडौंको नक्सालस्थित आम्रपाली ब्याङ्क्वेटमा भब्यताकासाथ सम्पन्न भएको छ।

सभाले चुक्ता पूँजीको २६.९८४१२६९८ प्रतिशत बोनस शेयर र १.४२०२२ प्रतिशत नगद लाभांश (कर समेत) वितरणको प्रस्ताव पारित गरेको छ भने बोनस शेयर बाँडेपछि चुक्ता पूँजी ५ अर्ब पुग्ने भएकाले सोही बमोजिम कम्पनीको प्रबन्धपत्र संशोधन गर्ने, खर्च अनुमोदन गर्ने र सञ्चालक समितिलाई अख्तियारी दिने विशेष प्रस्ताव पनि पारित भएको छ। त्यसैगरी आजको सभाले गत आर्थिक वर्षको वार्षिक प्रतिवेदन लगायतका वित्तीय विवरणहरू पारित गरी चालू आवको लागि लेखापरीक्षक नियुक्ति र पारिश्रमिक निर्धारणको विषयपनि टुङ्ग्याएको छ।

सभामा १५ जना सेयरधनीहरुले आफ्नो भनाई पस्केका थिए । उक्त  सभामा बोल्ने अधिकांश सेयरधनीले संचालक समिति र कम्पनीका प्रमुख कार्यकारी अधिकृत पोषकराज पौडेलको चर्चा गरेका थिए ।

Photo : Citizen Life Insurance Nepal