हटाइएका हितेन्द्रदेव शाक्य आजै १० बजे पुनः पदबहाली—प्राधिकरणमा हलचल

काठमाडौँ । नेपाल विद्युत् प्राधिकरणमा नाटकीय मोड! सर्वोच्च अदालतबाट पुनर्बहालीको आदेश पाएपछि कार्यकारी निर्देशक हितेन्द्रदेव शाक्य आज बिहान १० बजे औपचारिक रूपमा पदबहाली गर्दैछन्।

सर्वोच्च अदालतको सोमबारको आदेशपछि प्राधिकरणको भित्री राजनीति र नेतृत्वमा फेरि ठूलो तरंग आएको छ।

न्यायाधीश नहकुल सुवेदी र श्रीकान्त पौडेलको संयुक्त इजलासले शाक्यलाई बर्खास्त गर्ने सरकारको निर्णय रद्द गर्दै तत्काल पुनर्बहाली गर्न निर्देशन दिएको थियो।

गत असोज ५ गते तत्कालीन ऊर्जा, जलस्रोत तथा सिँचाइ मन्त्री कुलमान घिसिङले शाक्यलाई अचानक कार्यकारी निर्देशक पदबाट हटाएका थिए। त्यसपछि शाक्य सर्वोच्च अदालत पुगेका थिए र अन्ततः विजय हात पारेका छन्।

शाक्यको पुनरागमनसँगै प्राधिकरणभित्र हुने सम्भावित शक्ति-सन्तुलन, निर्णय प्रक्रिया र भविष्यका योजनामा ठूलै प्रभाव पर्ने विश्लेषण भइरहेको छ।

अब पदबहालीपछि प्राधिकरणमा कस्तो नेतृत्व शैली देखा पर्ला?
घिसिङ–शाक्य विवादले फेरि नयाँ मोड लिन्छ कि?

देशको ऊर्जा क्षेत्र अहिले यही घटनाले तातेको छ।