यस्तो छ आजको मौसम पूर्वानुमान: देशभर आंशिक बदली, केही हिमाली भू-भागमा हल्का वर्षा/हिमपातको सम्भावना

काठमाडौँ,१० कार्तिक – जल तथा मौसम विज्ञान विभागले आज देशभर मौसम सामान्यतया सफा रहने बताएको छ। विभागका अनुसार हाल कुनै ठूलो मौसम प्रणालीको प्रभाव छैन।

आज कोशी, मधेश र बागमती प्रदेशमा आंशिक बदली रहने छ भने बाँकी भू-भागमा मौसम प्रायः सफा रहने सम्भावना छ।

उच्च पहाडी र हिमाली भू-भागमा हल्का वर्षा र हिमपातको संकेत
आज देशका उच्च पहाडी तथा हिमाली भू-भागका केही स्थानहरूमा हल्का वर्षा र हिमपात हुन सक्ने सम्भावना छ। विशेषगरी राती बागमती, गण्डकी, लुम्बिनी, कर्णाली र सुदूरपश्चिमका पहाडी भू-भागमा बदली रहने छ। तराई भू-भागमा सामान्यतया आंशिक बदली रहने विभागले जनाएको छ।

भोलि मौसम कस्तो रहने?
जल तथा मौसम विज्ञान विभागले भोलि कार्तिक ११ गते (मंगलबार) गण्डकी, लुम्बिनी र कर्णाली प्रदेशका केही स्थानमा मध्यम वर्षा र हिमपातको सम्भावना रहेको जानकारी दिएको छ। बाँकी प्रदेशका पहाडी तथा हिमाली भू-भागमा पनि हल्का वर्षा र हिमपात हुने सम्भावना छ।

देशभर मौसम अनुकूल भए पनि उच्च पहाडी तथा हिमाली भू-भागमा यात्रा गर्नेहरूले सचेत रहनु पर्ने विभागको चेतावनी छ।