शिक्षामन्त्री विद्या भट्टराईले बुझाउनुभयो राजीनामा

काठमाडौं, ८ बैशाख । शिक्षकहरुको शैक्षिक आन्दोलन झन् शसक्त रुपले अगाडी बढ्दै जादाँ यता शिक्षामन्त्री विद्या भट्टराईले सोमवारनै राजीनामा दिनुभएको छ । उहाँले सोमबार प्रधानमन्त्री केपी शर्मा ओलीलाई भेटेर राजीनामा बुझाउनु भएको बालुवाटार निकट स्रोतले जानकारी दियो ।

सोमवार प्रधानमन्त्री केपी शर्मा ओलीलाई भेटेर भट्टराईले राजीनामा बुझाउनु भएको हो । शिक्षकहरूको निरन्तर आन्दोलन चलिरहेको बेला उहाँले राजिनामा बुझाउनु भएको हो । शिक्षक महासंघसँग बारम्बार संवाद भइरहदा समेत हालसम्म कुनै निचोड निस्कन नसकेपछि शिक्षामन्त्री भट्टराई घेरामा पर्नुभएको थियो ।

शिक्षा ऐन जारी गर्न माग गर्दै देशभरका सामुदायिक विद्यालयहरुले सोमवार आन्दोलनको २० औं दिन पुरा गरि सकेको छ ।