राजावादीको हिंसात्मक आन्दोलनको क्रममा भाटभटेनी सुपरमार्केट लुटपाट र तोडफोड नियन्त्रणमा लिनसफल सुरक्षा गार्ड दुलप्रसाद पराजुली पुरस्कृत

राजावादीको हिंसात्मक आन्दोलनको क्रममा भाटभटेनी सुपरमार्केट लुटपाट र तोडफोडको घटना नियन्त्रणमा लिन बहादुरी देखाएका सुरक्षा गार्ड दुलप्रसाद पराजुली पुरस्कृत हुनुभएको छ । मंगलबार आयोजित विशेष समारोहमा भाटभटेनीका मालिक मिन बहादुर गुरुङले पराजुलीलाई ५ लाख १ हजार १ सय ११ रुपैयाँको नगद पुरस्कार, एक फूली र पाँच ग्रेड बढुवाको सम्मान प्रदान गर्नुभएको हो ।

उक्त कार्यक्रममा बोल्दै भाटभटेनी सुपरमार्केटका सञ्चालक मीनबहादुर गुरुङले ढुंगा हानेर राजसंस्था नफर्किने बताउनु भएको छ ।उहाँले आन्दोलनका जनकमान्डर बनाइएका दुर्गा प्रसाईँलाई गुण्डानाइकेको संज्ञादिनुभएको छ । दुर्गालाई राज्यले पुलपुल्याउँदा यो अवस्था निम्तिएको उहाँको भनाई छ ।

तस्बिर : बिनोद भट्टराई