सामाजिक सेवाको पवित्र उद्देश्यलाई आत्मसात गर्दै ‘बेवारिसे सडक मानवका लागि महायज्ञ २०८१’ आयोजना गरिने

सामाजिक सेवाको पवित्र उद्देश्यलाई आत्मसात गर्दै ‘बेवारिसे सडक मानवका लागि महायज्ञ २०८१’ आयोजना गरिने भएकोछ । यस महायज्ञमार्फत सडक तथा सार्वजनिक स्थलहरूमा अलपत्र तथा बेवारिसे अवस्थामा रहेका मानवहरूको लागि दीगो रूपमा खाना, नाना र छानाको व्यवस्थापन गर्न तथा प्रभावकारी सेवाका लागि जग्गा तथा भवन व्यवस्थापन गर्ने लक्ष्य राखिएको छ ।

केही वर्ष अघिसम्म भक्तपुरका सडक तथा अन्य सार्वजनिक स्थलहरूमा बेवारिसे मानिसहरूको संख्या उल्लेख्य थियो । कतिपयको अवस्था अत्यन्त दर्दनाक रहन्थ्यो । तर, हाल ती दृश्यहरू न्यून भइसकेका छन् । यस परिवर्तनको मूल कारण सुमी मानव संस्थापक अध्यक्ष रहेको मानव समाज कल्याण संस्था ठुलो हात रहेको छ । यस संस्थाको सक्रियता पछि भक्तपुरमा बेवारिसे मानवहरु सडकमा छैनन् । तर उनीहरुलाई भक्तपुरको झौखेलमा अस्थायी बास व्यवस्था गरि राखिएको छ ।

बेवारिसे मानवहरूको उद्धार गर्दै उनीहरूको सरसफाइ, स्वास्थ्य उपचार, पुनर्मिलन, काउन्सिलिङ तथा सुधारका लागि यस संस्थाले विभिन्न प्रयासहरूलाई एक दशकदेखि निरन्तरता दिदै आएको छ । यी सबै सेवाहरूलाई थप प्रभावकारी बनाउन र दिगो व्यवस्थापनकालागि महायज्ञबाट संकलित सहयोग तिनै असहाय सडक मानवहरूको लागि जग्गा खरिद तथा स्थायी आवास निर्माणमा प्रयोग गरिने भएको छ !

यस पुण्यकार्यमा स्वदेश तथा विदेशमा रहनुभएका सम्पूर्ण नेपाली दाजुभाइ–दिदीबहिनीहरूको संलग्नता एवं सहयोगको अपेक्षा गरिएको छ । सबै मिलेर सडक मानवका लागि खाना, नाना र छानाको न्यूनतम व्यवस्थापन गर्ने संकल्प गर्दै सहयोगका लागि यसै महायज्ञका संयोजक गोपीकृष्ण न्यौपाने ज्यु ले अपिल गर्नुभयो !

महायज्ञ २०८१
आयोजकः मानव कल्याण समाज
सम्पर्कः श्रीमद्भागवत सप्ताह ज्ञान–विज्ञान महायज्ञ मूल आयोजक समिति
(९८५१०४०२४८)

समय ः २०८१ चैत्र २१ देखि चैत्र २७ गतेसम्म
स्थानः मध्यपुर थिमी – ५
(राधेराधे, भक्तपुर । यातायात कार्यालयसँगै)

कथा वाचकः
देवी सुमी मानवज्यू
(संस्थापक अध्यक्ष, मानव कल्याण समाज)

महायज्ञका मुख्य कार्यक्रमहरूः
पूर्वाङ्गः चैत्र २१ गते, बिहान ७ः०० – ९ः०० बजेसम्म
शोभाकलश यात्राः चैत्र २१ गते, बिहान ९ः०० बजे
(महायज्ञ स्थलबाट सुरु हुने )

समुद्घाटन समारोह ः चैत्र २१ गते, दिउँसो १२ः३० बजे
लक्ष्यवर्तिका प्रज्वलनः चैत्र २६ र २७ गते
समापन समारोहः चैत्र २७ गते

दैनिक कार्यक्रमहरूः
– बिहान ५ः००–७ः०० बजे योगाभ्यास
– बिहान ७ः०० बजेदेखि पूजा एवं पाठपारायण
– ११ः०० – ४ः०० बजेसम्म संगीतमय कथावाचन
– ४ः१५ बजे आरती
– ४ः३० बजे प्रसाद वितरण
– साँझ ६ः० – ९ः०० बजेसम्म श्रृङ्गारिक महाआरती सहित सन्ध्याकालिन भजन

गोपीकृष्ण न्यौपाने
संयोजक
‘बेवारिसे सडक मानवका लागि महायज्ञ २०८१’