जाडोको असर कायमै: तराई कुहिरोमा हरायो, हिमालमा आंशिक बादल

२०८२ पुष ३० गते (बुधबार)

देशभर जाडोको प्रभाव कायमै रहँदा आजको मौसमले फरक–फरक क्षेत्रलाई फरक अनुभूति दिनेछ।

दिउँसोको मौसम

तराई भू–भागका केही स्थानहरूमा हुस्सु/कुहिरो लाग्ने सम्भावना रहेको छ, जसले चिसो अझ बढाउनेछ।
कोशी, गण्डकी र कर्णाली प्रदेशका उच्च पहाडी तथा हिमाली क्षेत्रहरूमा आंशिक बादल लाग्नेछ भने
बाँकी भू–भागमा मौसम मुख्यतया सफा रहनेछ।

रातिको मौसम

राति पनि तराईका केही स्थानहरूमा हुस्सु यथावत् रहनेछ।
कोशी र गण्डकी प्रदेशका हिमाली भू–भागमा आंशिक बादल देखिनेछ भने
अन्य क्षेत्रहरूमा मौसम खुला र शान्त रहने अनुमान छ।

सावधानी अपनाऔँ:
हुस्सुका कारण तराई क्षेत्रमा दृश्यता कम हुन सक्ने भएकाले सवारी चालक तथा यात्रुहरूले विशेष सावधानी अपनाउन मौसमविद्हरूको सुझाव छ।

स्रोत: मौसम पूर्वानुमान महाशाखा,जल तथा मौसम विज्ञान विभाग