आगलागीबाट विभिन्न धनमाल जलेर नष्ट

काठमाडौं, २६ फागुन

पर्सा, जगरनाथपुर गाउँपालिका-५ मसिहानि बस्ने जलिल मिया धोबिको घरमा विद्युत सर्ट भई आइतबार दिउँसो आगलागी हुँदा करिब १ लाख रूपैयाँ बराबरको धनमाल जलेर नष्ट भएको छ ।

सप्तरी, तिलाठी कोईलाठी गाउँपालिका-३ सकपुरा बस्नेनयवी यादव समेत ३ जनाको घरमा आइतबार राति आगलागी हुँदा करिब ३३ लाख ७० हजार रूपैयाँ बराबरको धनमाल जलेर नष्ट भएको छ ।

काठमाडौं, महानगरपालिका-१४ बल्खु कुमारी क्लव नजिक बस्ने ४० वर्षीय सिजन थापा मगरको घरमा करेन्ट सर्ट भई गए राति आगलागी भएको छ । आगलागीबाट भएको क्षतिको विवरण हाल खुलेको छैन ।

मोरङ, लेटाङ नगरपालिका-५ खेरूवा बस्ने राजन नेपालीको घरमा आइतबार राति आगलागी हुँदा अन्नपात,लत्ताकपडा, भाँडावर्तन लगायतका सरसामान जलेर करिब २लाख १५ हजार रूपैयाँ बराबरको धनमाल नष्ट भएको छ ।

कैलाली, घोडाघोडी नगरपालिका–१२ शिवपुर बस्ने खुकुरी चौधरीको गोठमा आइतबार दिउँसो आगलागी हुँदा गोठमा राखिएको से.३ प ६७०९ नम्बरको मोटरसाइकल, १ थानसाईकल लगायतका सरसामान जलेर करिब ३ लाख रूपैयाँ बराबरको धनमाल नष्ट भएको छ ।  

​प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय
प्रहरी महानिरीक्षकको सचिवालय
(केन्द्रीय प्रहरी समाचार कक्ष)