तराईका अधिकांश क्षेत्रमा कुहिरो, पहाड–हिमालमा मौसम मुख्यतया सफा

काठमाडौं । मौसम पूर्वानुमान महाशाखाका अनुसार आज २०८२ माघ ०२ गते (शुक्रबार) देशका अधिकांश भू–भागमा मौसम सामान्यतया सफा रहनेछ भने तराईका क्षेत्रमा कुहिरो तथा हुस्सुको प्रभाव रहनेछ।

राष्ट्रिय मौसम अवस्था

दिउँसो कोशी, मधेश, बागमती र गण्डकी प्रदेशका तराई भू–भागका केही स्थानहरूमा तथा बाँकी तराईका धेरै स्थानहरूमा लागेको हुस्सु/कुहिरो मध्यान्हसम्ममा क्रमशः सुधार हुने सम्भावना रहेको छ। सुदूरपश्चिम प्रदेशमा आंशिक बदली रहनेछ भने अन्य भू–भागमा मौसम मुख्यतया सफा रहने अनुमान गरिएको छ।

राति तराईका केही स्थानहरूमा हुस्सु कायम रहने सम्भावना छ। कर्णाली र सुदूरपश्चिम प्रदेशमा आंशिक बदली तथा बाँकी भू–भागमा मौसम सामान्यतया सफा रहने महाशाखाले जनाएको छ।

प्रदेशगत मौसम पूर्वानुमान

• कोशी प्रदेश: हिमाली र पहाडी क्षेत्रमा दिन–रात मुख्यतया सफा रहनेछ। तराई क्षेत्रमा बिहानपख कुहिरो र राति हुस्सु लाग्ने सम्भावना छ।

• मधेश प्रदेश: दिउँसो तराई क्षेत्रमा बिहानपख कुहिरो रहने सम्भावना रहेको छ।

• बागमती प्रदेश: हिमाली र पहाडी क्षेत्रमा मौसम सफा रहनेछ। तराई क्षेत्रमा बिहान कुहिरो र राति हुस्सु लाग्न सक्नेछ।

• गण्डकी प्रदेश: हिमाल र पहाडमा मौसम सफा रहनेछ भने तराई क्षेत्रमा बिहान कुहिरो र राति हुस्सुको सम्भावना छ।

• लुम्बिनी प्रदेश: हिमाली र पहाडी भू–भागमा मौसम मुख्यतया सफा रहनेछ। तराई क्षेत्रमा बिहान कुहिरो र राति हुस्सु लाग्ने देखिएको छ।

• कर्णाली प्रदेश: दिउँसो हिमाली र पहाडी क्षेत्रमा मौसम सफा रहनेछ भने राति आंशिक बदली रहने सम्भावना छ।

• सुदूरपश्चिम प्रदेश: हिमाली र पहाडी क्षेत्रमा दिन–रात आंशिक बदली रहनेछ। तराई क्षेत्रमा बिहान कुहिरो र राति हुस्सुको सम्भावना रहेको छ।

मौसमविद्हरूले विशेषगरी तराईका क्षेत्रमा सवारी साधन चलाउँदा कुहिरो र हुस्सुका कारण सतर्कता अपनाउन आग्रह गरेका छन्।