गोवाको नाइट क्लब त्रासदी: पाँच नेपालीको सनाखत, शव नेपाल ल्याउने अन्तिम तयारी—अवैध क्लबको लापरबाहीले लियो २५ ज्यान

दाङ, सिन्धुली, झापा र डडेलधुराका युवाहरू थुनिएर जले—गोवा प्रहरीद्वारा मालिकसहित ४ जना पक्राउ

काठमाडौँ ।
भारतको गोवामा शनिबार मध्यराति भएको नाइट क्लब आगलागी त्रासदीमा ज्यान गुमाएका पाँच नेपाली युवाको पहिचान खुलेको छ। घटनामा नेपालीसहित २५ जनाको मृत्यु भएको थियो।

पहिचान भएका नेपाली:

• चुर्णबहादुर पुन (३१), दाङ

• लिलबहादुर कटुवाल ‘विवेक’, सिन्धुली

• सविन विश्वकर्मा, झापा

• सुदीप विश्वकर्मा, झापा

• मनोज जोरा, डडेलधुरा

यी सबैजनाको शव नेपाल ल्याउने तयारी तीव्र रूपमा भइरहेको परराष्ट्र मन्त्रालयले जनाएको छ।

एयर एम्बुलेन्समार्फत शव ल्याउने—परिवार विछट्टै शोकमा

परराष्ट्र मन्त्रालयका प्रवक्ता लोकबहादुर क्षेत्रीका अनुसार नयाँदिल्लीस्थित नेपाली राजदूतावासले गोवा सरकारसँग समन्वय गर्दै शव नेपाल ल्याउने प्रक्रिया अगाडि बढाइरहेको छ।

चुर्णबहादुर पुनको शव
➡ गोवाबाट एयर एम्बुलेन्स मार्फत लखनउ
➡ त्यसपछि गाडीमार्फत दाङ पुर्‍याइने तयारी चलिरहेको छ।

अन्य मृतकका शव पनि घरदैलोसम्म पु¥याउने व्यवस्था मिलाउँदै भारतीय र स्थानीय नेपाली समुदायले सहयोग गरिरहेका छन्।

सिलिन्डर विस्फोटपछि आगो अनियन्त्रित—साँघुरा बाटोले दमकल नै रोकियो

शनिबार राति कामदार र पाहुनाले भरिएको क्लबमा अचानक आगलागी सुरु भयो।
यस्तै अवस्थामा ग्यास सिलिन्डर विस्फोट हुँदा आगो झनै भयावह बनेको गोवा प्रहरीले जनाएको छ।

अहिलेसम्मको तथ्य:

• साँघुरा बाटोका कारण दमकल क्लब पुग्न ढिलो

• आगो नियन्त्रणको पर्याप्त प्रवन्ध नहुँदा क्षति दोब्बर

• धेरैजना थुनिएर, जलेर वा धुँवामा निसासिएर मृत्यु

अवैध सञ्चालन! सुरक्षा मापदण्ड शून्य—क्लबमाथि कठोर कारबाही

प्रारम्भिक अनुसन्धानले क्लब अवैध रूपमा सञ्चालन भएको र
सुरक्षाका न्यूनतम मापदण्ड समेत पालना नगरेको खुलेको छ।

गोवा प्रहरीले हालसम्म

• क्लबका महाप्रबन्धक र कर्मचारी ४ जना पक्राउ

• क्लबका मालिक सौरभ लुथरा र गौरव लुथरा विरुद्ध मुद्दा दर्ता

• नियमविपरीत अनुमति दिएको आरोपमा ३ जना सरकारी अधिकारी निलम्बित

क्षतिपूर्ति घोषणा

गोवाका मुख्यमन्त्री प्रमोद सावन्तले मृतकका परिवारलाई ५ लाख रुपैयाँ, घाइतेहरूलाई ५० हजार रुपैयाँ दिने घोषणा गरेका छन्।