सुनसरीमा गोलीकाण्ड समाधान! ७ जनाको ठूलो गिरोह पक्राउ!

सुनसरी, २२ मंसिर।
रामधुनीका सिटी–सफारी चालक दिनेश कुमार चौधरीको गोली हानेरै गरिएको हत्या प्रकरणमा प्रहरीले एकैपटक ७ जनाको ठूलो आपराधिक समूह पक्राउ गरेको छ।
स्थानीय बासिन्दाले लामो समयदेखि माग्दै आएको “गोलीकाण्डको न्याय” अब निर्णायक मोडमा पुगेको छ।

हत्यामा संलग्न ७ जनाको नाम सार्वजनिक!

पक्राउ परेकाहरू:

• राजकिशोर साह (४३ वर्ष), रामधुनी–१

• नन्द किशोर साह (४० वर्ष), रामधुनी–१

• मोहमद इब्रान मिया (३४ वर्ष), भोक्राहा नरसिंह–५

• गियास मन्सुरी (३७ वर्ष), देवानगञ्ज–४

• मिथलेश यादव (२५ वर्ष), देवानगञ्ज–५

• अंकित साह (२८ वर्ष), राजविराज–१६

• प्रिन्स कुमार दास (२८ वर्ष), राजविराज–९

यीमध्ये केहीलाई मुख्य योजनाकार, केहीलाई अपराधिक सहयोगकर्ता मानिएको प्रारम्भिक अनुसन्धानले देखाएको प्रहरी स्रोतले बताएको छ।

असोज २५ को रात—कर्मनिया टोलमा चल्यो गोली, चालक घटनास्थलमै ढले

गत असोज २५ गते बेलुकी
रामधुनी–२, कर्मनिया टोलको सडकमा
अपरिचित व्यक्तिहरूले प्र.१–०२–००४ ह ७८०४ नम्बरको सिटी सफारी चालक
दिनेश चौधरीमाथि गोली प्रहार गरेका थिए।
घटनाले स्थानीय क्षेत्रमा त्रासदी र सुरक्षा चिन्ता चर्किएको थियो।

गोप्य निगरानी, इन्भेस्टिगेशन र ट्र्याकिङपछि प्रहरीको ठूलो सफलता

जिल्ला प्रहरी कार्यालय, सुनसरीले
केही हप्ता लगातार निगरानी, मोबाइल ट्र्याकिङ, गोप्य सूचनाको आधारमा
हत्यामा संलग्न अभियुक्तहरूलाई समात्न सफल भएको हो।

प्रहरीले उनीहरूमाथि
कर्तव्य ज्यान मुद्दामा म्याद थप गरी विस्तृत अनुसन्धान सुरु गरेको छ।