धादिङमा बस–स्कुटर दुर्घटना : ४१ वर्षीया निता गजुरेलको मृत्यु

धादिङ, १० मंसिर
धुनिवेशी नगरपालिका–९ स्थित सडकखण्डमा भएको बस–स्कुटर दुर्घटनामा थाक्रे गाउँपालिका–८ की ४१ वर्षीया निता गजुरेलको मृत्यु भएको छ।

बा.प्र.०१–००६ ख २२९७ नम्बरको बसले बा.प्र.०२–०४५ प ४४३१ नम्बरको स्कुटरलाई बुधबार दिउँसो ठक्कर दिएको जनाइएको छ। दुर्घटनापछि गम्भीर घाइते भएकी गजुरेललाई काठमाडौंस्थित राष्ट्रिय ट्रमा सेन्टरमा उपचारका लागि लगिएको थियो, तर उपचारको क्रममा उनको मृत्युभएको परिवारले जनाएको छ।

घटनापछि बस चालक नियन्त्रणमा रहेको र दुर्घटनाका कारणबारे प्रहरीले आवश्यक अनुसन्धान अगाडि बढाइरहेको जनाएको छ।