सुर्खेतमा १२ वर्षीय बालिकामाथि जबरजस्ती करणी : ४० वर्षीय पुरुष पक्राउ, प्रहरीले बढायो अनुसन्धान

सुर्खेत, ९ मंसिर —
सुर्खेतको पञ्चपुरी नगरपालिका–५ का ४० वर्षीय महेन्द्र अर्याललाई १२ वर्षीया बालिकामाथि जबरजस्ती करणी गरेको आरोपमा प्रहरीले पक्राउ गरेको छ। घटना सार्वजनिक भएपछि स्थानीय क्षेत्रमा तीव्र चर्चासँगै सामाजिक सञ्जालमा पनि विरोधको लहर फैलिएको छ।

पीडित पक्षले दिएको उजुरीका आधारमा इलाका प्रहरी कार्यालय बाबियाचौरबाट खटिएको टोलीले पञ्चपुरी नगरपालिका–१, बाचकाडाबाटउनलाई मंगलबार बिहान पक्राउ गरेको हो।

प्रहरीका अनुसार, घटनाको सबै पक्ष बुझ्नका लागि आवश्यक प्रमाण संकलन र बयान लिएर थप अनुसन्धान तीव्र बनाईएको छ।

यस घटनाले बालिकामाथि हुने यौन हिंसाबारे पुनः गम्भीर बहस सुरु भएको छ। स्थानीय बासिन्दाहरूले दोषीमाथि कडा कारबाहीको माग गर्दै बालसुरक्षामा राज्यले अझ कडा कदम चाल्नुपर्ने बताएका छन्।