सुर्खेतमा करेन्ट लाग्दा २१ वर्षीय युवकको मृत्यु, प्रहरीले अनुसन्धान अघि बढायो

सुर्खेत, मंसिर ३ – सुर्खेतको बीरेन्द्रनगर नगरपालिका–३ तातापानीमा बस्ने २१ वर्षीय सन्देश शाहीको करेन्ट लागेर बुधबार बिहान मृत्यु भएको छ।

करेन्ट लागेर गम्भीर घाइते भएका शाहीलाई तत्काल उपचारका लागि प्रदेश अस्पताल कालागाउँ पुर्याइएको थियो। तर चिकित्सकको टोलीले उपचारका क्रममा उनको मृत्यु भएको पुष्टि गरेको हो।

घटनाको सबै विवरण पुष्टि गर्न तथा करेन्ट लाग्नुको कारण पत्ता लगाउन प्रहरीले आवश्यक अनुसन्धान सञ्चालन गरिरहेको जनाएको छ।