काठमाडौँ, मंसिर ३ —
नेपालको राजनीतिक तापक्रम एकाएक चर्किएको छ। नेकपा एमाले पोलिटब्युरो सदस्य महेश बस्नेतले बुधबार आयोजित पत्रकार सम्मेलनमा सरकारमाथि सबैभन्दा कठोर आरोपहरू लगाउँदै अहिलेको अवस्थालाई “लोकतन्त्रमाथिको नियोजित आक्रमण” भनेर परिभाषित गरेका छन्।

सिमरा विमानस्थलमा जेनजी समूहका नाममा देखिएको अवरोधपछि बस्नेतको यो अभिव्यक्ति देशभर चर्चाको केन्द्र बनेको छ।

“देश जटिल मोडमा छ, साम्राज्यवादी हस्तक्षेप चरममा” — बस्नेत

बस्नेतका मुख्य दाबीहरू:

• अन्तर्राष्ट्रिय साम्राज्यवादी शक्तिले नेपालमा नङ्ग्रा गाडिसकेका छन्

• “राष्ट्रवादी” बनेर हिँड्ने शक्तिहरू नै छद्मरूपमा लोकतन्त्र समाप्त पार्ने खेलमा

• दलीय व्यवस्था र राजनीतिक दलहरूलाई कमजोर बनाएर आफ्नो ‘राज’ जमाउन खोजिएको

उनले खुलेआम भने—
“विधिको शासन, राजनीतिक दल र लोकतन्त्र समाप्त नपारी उनीहरूको खेल चल्दैन। देशलाई अस्थिरता बनाउने गतिविधि जेनजी समूहका नाममा भइरहेका छन्।”

सिमरा अवरोधलाई बस्नेतको कडा व्याख्या

एमाले नेता शंकर पोखरेल र आफूसमेत सहभागी हुन लागेको बारा कार्यक्रममा जेनजी युवा समूहले विमानस्थलमै अवरोध गरेपछि बस्नेत आगो झैँ भड्किएका छन्।

उनको ठोस आरोप:
➡️ “सिमरा अवरोध अन्तर्राष्ट्रिय चलखेलसँग गाँसिएको छ”
➡️ “सरकारले नै आन्दोलनको नाममा देश आतंकित बनाइरहेको छ”
➡️ “२०–३० जनाको हल्लाले विमानस्थल बन्द हुने भएपछि प्रहरी प्रशासनको मनोबल शून्य जस्तै भएको छ”

दुर्गा प्रसाईँको गिरफ्तारीबारे विस्फोटक टिप्पणी

दुर्गा प्रसाईँलाई मध्यराति पक्राउ गरिएको घटनालाई बस्नेतले सीधे जेनजी–विदेशी चलखेलसँग जोड्दै दाबी गरे—

“विदेशी हस्तक्षेपको पर्दाफाश गरेकै कारण दुर्गा प्रसाईँ लक्षित भएका हुन्।”

सरकार अभिव्यक्ति स्वतन्त्रताकै विरोधी भएको आरोप बस्नेतले बारम्बार दोहोराए।

“सरकार प्रमाण नष्ट गर्दैछ” — अर्को घोचपेच

बस्नेतले सरकारमाथि आरोप लगाए—

• आगजनी, तोडफोडसँग सम्बन्धित प्रमाण नष्ट गर्न खोजिएको

• प्रधानमन्त्री सुशीला कार्कीको सरकार अन्यौलता र अस्थिरता बढाउने लक्ष्यसहित बनाइएकाे

• अहिलेको अवस्था “गैरदलीय निरङ्कुशतामाथिको प्रयोगशाला” मा परिणत

कुलमानमाथि ठूलो झड्का : “४३ करोड भ्रष्टाचार र सत्ता कब्जाको खेल”

पत्रकार सम्मेलनको सबैभन्दा विवादास्पद भाग भने कुलमान घिसिङसम्बन्धी बस्नेतको दाबी रह्यो।

उनले भने—
➡️ कुलमानले ४३ करोड भ्रष्टाचार गरे
➡️ डडेलधुराको रकम सारेर निकट कम्पनीलाई फाइदा
➡️ रास्वपाबाट उपाध्यक्ष हुँदै प्रधानमन्त्री बन्ने असफल प्रयास
➡️ सुमना श्रेष्ठ, बालेन, सुधन गुरुङलाई समेटेर नयाँ दल बनाउने असफल मोडेल–२
➡️ अन्ततः “उज्यालो नेपाल पार्टी” नाममा दल दर्ता गर्न भागेको

बस्नेतको कटाक्ष:
“हिजो दलमाथि गाली गर्नेहरू नै आज नयाँ दल खोल्न आतुर छन्। उनीहरूको सत्ता मोह प्रष्ट छ।”

“संसद पुनर्स्थापना अब अनिवार्य”

बस्नेतले अहिलेको सरकारलाई “स्टनबाजीले देश चलाउने प्रवृत्ति” भन्दै संसद पुनर्स्थापनाको माग गरे।

उनको चेतावनी:
“एमालेलाई रोक्ने प्रयासले अहिले रोकिन्‍ने अवस्था छैन।”

‘राष्ट्रिय सुरक्षा फोर्स’ गठन र मंसिर ६ को ‘शक्ति प्रदर्शन’

बस्नेतले खुलासा गरे—
➡️ “देश जोगाउन राष्ट्रिय सुरक्षा फोर्स गठनको तयारी”
➡️ एमाले मंसिर ६ मा विशाल सभा गर्दैछ
➡️ त्यो सभाबाट कार्की सरकार नै ढल्ने” उनको दाबी

पार्टीभित्रका ‘विरोधी’लाई चेतावनी

बस्नेतले आफ्नै पार्टीभित्रका नेतालाई समेत सन्देश दिए—
➡️ “विरोधी शक्तिको लहैलहैमा लाग्नेहरू अस्वीकार्य”
➡️ “पार्टी बलियो बनाउन सबै एकजुट हुनुपर्छ”
➡️ “अध्यक्षमा फेरि केपी ओली नै निरन्तरता आवश्यक”