अन्तराष्ट्र ठाँटि विशेष

‘डिजिटल नेपाल’ अभियानलाई नयाँ गती! – सञ्चारमन्त्री जगदीश खरेल कोरिया भ्रमण सकाएर स्वदेश फर्किए

‘डिजिटल नेपाल’ अभियानलाई नयाँ गती! – सञ्चारमन्त्री जगदीश खरेल कोरिया भ्रमण सकाएर स्वदेश फर्किए

सिओलमा भएको ‘११औँ ग्लोबल ICT लिडरसिप फोरम’मा नेपालको डिजिटल र एआई नीति विश्वमञ्चमा चर्चित

काठमाडौँ, २९ कात्तिक ।
संचार तथा सूचना प्रविधिमन्त्री जगदीश खरेल ११औँ ‘ग्लोबल ICT Leadership Forum’ मा सहभागी भएर आज स्वदेश फर्किएका छन्।
फोरममा सहभागी हुन मन्त्री खरेल कात्तिक २५ गते नेपाली प्रतिनिधिमण्डलको नेतृत्वसहित दक्षिण कोरिया प्रस्थान गरेका थिए। साथमा स्वकीय सचिव उद्धव भट्टराई पनि सहभागी थिए।

विश्वका ICT लिडरहरूसँग नेपालका डिजिटल एजेन्डा प्रस्तुत

दक्षिण कोरियाको विज्ञान तथा ICT मन्त्रालय (MSIT) र नेशनल इनफर्मेशन सोसाइटी एजेन्सी (NIA) को संयुक्त आयोजना रहेको फोरम दुई प्रमुख विषयमा केन्द्रित थियो—

  • Digital & AI Transformation: Strategies and Challenges

  • Global Cooperation for a Sustainable Digital Future

मन्त्री खरेलले फोरमलाई फलदायी र उपलब्धिपूर्ण बताउँदै भने–

“नेपालले एआई नीति, राष्ट्रिय एआई केन्द्र र एआई काउन्सिल गठनको तयारी गर्दै अघि बढिरहेको छ। यस फोरमले डिजिटल नेपाल निर्माणमा अन्तर्राष्ट्रिय ज्ञान र अनुभवले थप बल मिलाएको छ।”

कोरियासँग सहकार्य विस्तारबारे उच्च–स्तरीय परामर्श

समूहगत छलफलमा मन्त्री खरेलले नेपालको डिजिटल प्राथमिकता, साझेदार संस्थाहरूसँगको आगामी सहकार्य र दीर्घकालीन साझेदारीबारे धारणा राखे।
कोरियाली सरकार र NIA तर्फबाट पनि एआई, डिजिटल सेवा, स्मार्ट सिटी र सूचना–प्रविधि पूर्वाधारमा सहकार्य कसरी गर्न सकिन्छ भन्नेबारे गहिरो छलफल भएको स्रोतले जनाएको छ।

दक्षिण कोरियाका लागि नेपालका राजदूत डा. शिवमाया तुम्बाहाम्फे पनि कार्यक्रममा सहभागी भएका थिए।

सिओलको ‘AI Smart City Center’ अवलोकन — नेपालमा स्मार्ट सिटी मोडेल लागू गर्ने दिशामा महत्वपूर्ण कदम

कोरिया बसाइका क्रममा मन्त्री खरेलले Seoul AI Foundation द्वारा सञ्चालित
‘Seoul AI Smart City Center’ अवलोकन गर्दै स्मार्ट सहर मोडेललाई नजिकबाट अध्ययन गरे।
त्यस्तै उनले सिओलस्थित नेपाली राजदूतावास पनि अवलोकन गरे।

कोरियामा रहेका नेपाली समुदायसँग नेपाल पत्रकार महासङ्घ दक्षिण कोरिया शाखाले आयोजना गरेको अन्तरक्रियामा पनि मन्त्री खरेल सहभागी भए।

फोरममा १० देशका मन्त्री र नीतिनिर्माता सहभागी — नेपालले देखायो नेतृत्व क्षमताको उपस्थिति

‘Achieving the SDGs and a Digital Future’ शीर्षकमा आयोजित फोरममा
नेपालसँगै भुटान, श्रीलंका, पाकिस्तान, कम्बोडिया, लाओ PDR, भियतनाम, काजकिस्तान, मंगोलिया र उजबेकिस्तानका मन्त्री तथा वरिष्ठ नीतिनिर्माता सहभागी थिए।

यसबाहेक UN ESCAP सहित एशिया–प्रशान्तका अन्य अन्तर्राष्ट्रिय संस्थाहरूको उल्लेखनीय सहभागिता रहेको थियो।

-->