धादिङमा दुर्घटना — स्कुटर अनियन्त्रित, ५५ वर्षीया इन्दिरा अर्यालको मृत्यु

धादिङ, थाक्रे गाउँपालिका–३, अमर्खु ।
मंगलबार दिउँसो अमर्खुबाट महादेवबेशीतर्फ जाँदै गरेको लु.६ प ९०३४ नम्बरको स्कुटर अनियन्त्रित भई दुर्घटना हुँदा स्थानीय ५५ वर्षीया इन्दिरा अर्यालको मृत्यु भएको छ।

दुर्घटनामा गम्भीर घाइते भएकी अर्याललाई तुरुन्तै साईबाबा सामुदायिक अस्पताल पुर्याइएको थियो, तर उपचारकै क्रममा उनको ज्यान गयो ।
उहाँ थाक्रे गाउँपालिका–२, लामागाउँकी बासिन्दा हुनुहुन्थ्यो।

स्कुटरमा सवार अर्को व्यक्ति घाइते भएका छन् र हाल काठमाडौँस्थित ट्रमा सेन्टरमा उपचाररत छन्।
घटनाबारे प्रहरीले आवश्यक अनुसन्धान अघि बढाएको जनाएको छ।

अचानक भएको यो दुर्घटनाले अमर्खु र वरपरका बासिन्दा स्तब्ध बनेका छन्। धेरैले सामाजिक सञ्जालमार्फत इन्दिरा अर्यालप्रति श्रद्धाञ्जली व्यक्त गर्दै “सडक सुरक्षा प्रति सचेत बनौं” भन्ने सन्देश प्रवाह गरिरहेका छन्।