एकै दिन दुई भयानक दुर्घटना! दुई जनाको मृत्यु – परिवार शोकमा

काठमाडौं, २० कात्तिक।
देशका फरक–फरक ठाउँमा भएका दुई सवारी दुर्घटनामा दुई जनाले ज्यान गुमाएका छन्।

सिन्धुपाल्चोकमा मोटरसाइकल दुर्घटना – युवकको उपचारकै क्रममा मृत्यु

सिन्धुपाल्चोक, चौतारा साँगाचोकगढी नगरपालिका–७ झ्याडीस्थित सडकमा बा.प्र.०२–०२१ प ४८३५ नम्बरको मोटरसाइकल अनियन्त्रित भई दुर्घटना हुँदा ३७ वर्षीय खिलबहादुर कुँवर (घर ईन्द्रावती गाउँपालिका–९) को ज्यान गएको छ।

बुधबार राति भएको उक्त दुर्घटनामा गम्भीर घाइते भएका उनीलाई काठमाडौंको केएमसी अस्पतालमा उपचारका लागि ल्याइए पनि बिहीबार दिउँसो मृत्यु भएको प्रहरीले जनाएको छ।
मोटरसाइकल चालकलाई प्रहरीले नियन्त्रणमा लिएको छ।

रूपन्देहीमा बसको ठक्कर – सहचालकको घटनास्थलमै मृत्यु

रूपन्देही, सिद्धार्थनगर नगरपालिका–१२ डाँडागाउँमा म.प्र.०३–००१ ख ९०२९ नम्बरको बसले ठक्कर दिँदा अन्दाजी ३० वर्षीय पुरुष (नाम नखुलेको) सहचालकको गम्भीर चोटका कारण भीम अस्पतालमा मृत्यु भएको हो।

ठक्करपछि बस चालक फरार रहेका छन् र प्रहरीले उनको खोजी गरिरहेको जनाएको छ।

 प्रहरीले दुवै घटनाबारे आवश्यक अनुसन्धान अघि बढाएको जनाएको छ।
दुई दुर्घटनाले क्रमशः दुई परिवारमा शोकको वातावरण ल्याएको छ।