करेन्ट लागेर मृत्यु

काठमाडौं, ८ असोज

​रूपन्देही, गैडहवा गाँउपालिका–६ कानिजहवा बस्ने ७५ वर्षीय रामरतन सैठवार र उनकै श्रीमती ६८ वर्षीय अकालीसिंह सैठवारको करेन्ट लागेर बुधबार बिहान मृत्यु भएको छ । आफ्नै घरमा रहेको विद्युतीय मोटरको तार प्लकमा जोड्नेक्रममा अकालीलाई करेन्ट लागेको देखेर रामरतनले बचाउने क्रममा दुबै जनाको करेन्ट लागेर घटनास्थलमै मृत्यु भएको हो ।

​प्युठान, ऐरावती गाउँपालिका-६ ओखलढुङ्गा बस्ने ६० वर्षीय रूना सार्कीको करेन्ट लागेर बुधबार बिहान मृत्यु भएको  छ । घर नजिकै रहेको आफ्नै बारीमा लगाएको विद्युतीय तारबाट करेन्ट लागेर उनको मृत्यु भएको हो ।

​यस सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।