फागुन २१ को चुनाव तयारी तीव्र! देशभर १० हजार ९६७ मतदानस्थल कायम, १६८ नयाँ थपिए

आगामी फागुन २१ गते हुने प्रतिनिधिसभा सदस्य निर्वाचनका लागि देशभर कुल १० हजार ९६७ मतदानस्थल तोकिएको छ।
निर्वाचन आयोगले मतदातालाई सहज र पायक पर्ने स्थानमा मतदान गर्ने व्यवस्था मिलाउन १६८ नयाँ मतदानस्थल थप गरेको हो।

यसअघि देशभर १० हजार ८९२ मतदानस्थल कायम थिए।
पुनरावलोकनका क्रममा प्रयोगमा नरहेका र अपायक परेका ९३ मतदानस्थल भने खारेज गरिएको आयोगले जनाएको छ।

मतदाताको सहजतामा जोड
मतदानस्थलको नाम र ठेगानामा रहेका त्रुटी सच्याइँदै
आंशिक वा सबै मतदातालाई पायक पर्ने स्थानमा स्थानान्तरण
साविककै अर्को मतदानस्थलमा समायोजनको व्यवस्था

निर्वाचन आयोगका अनुसार यसअघि सार्वजनिक सूचनामार्फत मतदानस्थल पुनरावलोकनबारे जानकारी गराइएको थियो।
पुनरावलोकनको क्रममा कुनै मतदाताको नाम छुटेको वा सारिन बाँकी भए दावी–विरोध गर्न आग्रह गरिएको छ।

एउटै वडाभित्र नाम सार्न सकिने
मतदाताले आफूलाई पायक पर्ने अर्को मतदानस्थलमा नाम सार्न निवेदन दिन सक्ने व्यवस्थासमेत गरिएको आयोगले जनाएको छ।

समानुपातिक प्रणालीमा ठूलो परिवर्तन
राष्ट्रपति रामचन्द्र पौडेलले मन्त्रिपरिषद्को सिफारिसमा
प्रतिनिधिसभा सदस्य निर्वाचन (पहिलो संशोधन) अध्यादेश, २०८२ जारी गरेका छन्।

अब समानुपातिक निर्वाचन प्रणालीतर्फ
२०७८ सालको जनगणनाको आधारमा
दलित, आदिवासी जनजाति, खस आर्य, मधेसी, थारू र मुस्लिम समुदायको जनसङ्ख्या प्रतिशतअनुसार बन्दसूची पेस गर्नुपर्नेछ।

बन्दसूची पेस गर्ने मिति
पुस १३ र १४ गते
बिहान १० बजे देखि अपराह्न ४ बजेसम्म

निर्वाचन आयोगका प्रवक्ता नारायणप्रसाद भट्टराईका अनुसार उक्त समयसीमाभित्र समानुपातिक प्रणालीतर्फ आवेदन दिएका दलहरूले उम्मेदवारको बन्दसूची बुझाउनुपर्नेछ।

चुनाव नजिकिँदै जाँदा आयोगको तयारी, प्रणाली र संरचनामा ठूला सुधार—अब सबैको ध्यान फागुन २१ तिर!