एमाले उपमहासचिवमा लेखराज भट्ट निर्वाचित, राष्ट्रिय राजनीतिमा कैलालीको बलियो उदय

एमाले उपमहासचिवमा लेखराज भट्ट, रावलसहित ५ जना केन्द्रीय सदस्य निर्वाचित

धनगढी । नेपाल कम्युनिस्ट पार्टी (एमाले) को ११औँ राष्ट्रिय महाधिवेशनमा सुदूरपश्चिमको कैलाली जिल्लाले ऐतिहासिक सफलता हात पारेको छ। पार्टीको केन्द्रीय राजनीतिमा कैलालीको प्रभावशाली उपस्थिति देखिँदै लेखराज भट्ट उपमहासचिव पदमा निर्वाचित भएका छन्।

भट्टको उपमहासचिवमा उदयसँगै कैलालीले पार्टी नेतृत्व तहमा आफ्नो हैसियत अझ बलियो बनाएको छ। यसै महाधिवेशनबाट कैलालीका थप ५ जना नेता केन्द्रीय कमिटी सदस्यमा निर्वाचित भएका छन्, जसले जिल्लाको राजनीतिक वजनलाई राष्ट्रिय स्तरमा स्थापित गरेको छ।

केन्द्रीय सदस्यमा निर्वाचित हुने नेताहरूमा
झपट बहादुर रावल
पूर्वमन्त्री गौरीशंकर चौधरी
सन्तोष शर्मा थापा
लीला भण्डारी
कमला ओली

रहेका छन्।

विशेष रूपमा, सन्तोष कुमारी शर्मा (थापा) हाल सुदूरपश्चिम प्रदेश सभा सदस्यसमेत रहेकाले प्रदेश र केन्द्रबीचको समन्वयमा उनको भूमिका महत्वपूर्ण हुने अपेक्षा गरिएको छ।

कैलालीबाट एक उपमहासचिव र पाँच केन्द्रीय सदस्य निर्वाचित हुनु सुदूरपश्चिमकै लागि गर्वको विषय मानिएको छ। स्थानीय कार्यकर्ताहरूले यसलाई “कैलालीको राजनीतिक जित” को संज्ञा दिएका छन्।