करेन्ट लागेर मृत्यु

काठमाडौं, १३ असोज

बझाङ, मष्टा गाउँपालिका-५ किनाडा बस्ने राम बहादुर आग्रीको छोरा १३ वर्षीय सुरेश आग्रीको करेन्ट लागेर सोमबार बिहान मृत्यु भएको छ । आफ्नै घर नजिकै राष्ट्रिय प्रसारण लाइनबाट चुडिएर भुईमा लत्रिएको तारबाट करेन्ट लागेरउनको घटनास्थलमै मृत्यु भएको हो ।

कञ्चनपुर, पुनर्वास नगरपालिका-१० देरालीटोल बस्ने ५५ वर्षीया करडी देवी रावतको करेन्ट लागेर सोमबार दिउँसो मृत्यु भएको छ । आफ्नै घरको कोठामा रहेको टेबुल फ्यानको तार प्लकमा जोडने क्रममा करेन्ट लागेर उनको घटनास्थलमै मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।