करेन्ट लागेर मृत्यु

नवलपरासी पश्चिम, ६ असोज

​सुस्ता गाउँपालिका-३ सेख्वाना बस्ने २५ वर्षीय आकाश शर्माको करेन्ट लागेर सोमबार बिहान मृत्यु भएको छ । सोही गाउँपालिका-३ फेनहरास्थित विजुलीको पोलमा तार जडान गर्ने क्रममा करेन्ट लागेर गम्भीर घाइते भएका उनको जिल्लाअस्पताल परासीमा थप उपचारको क्रममा मृत्यु भएको हो ।

साथै करेन्ट लागेर घाइते भएका अन्य १ जनाको शहिद स्मृति सामुदायिक अस्पताल चौपत्तामा उपचार भइरहेको छ । यस सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।