छुट्टाछुट्टै सवारी दुर्घटनामा पाँच जनाको मृत्यु

काठमाडौं, २१ भदौ    

​काठमाडौं, कागेश्वरी मनोहरा नगरपालिका–८ गोठाटारस्थित सडकमा पहेलो पुलबाट जम्बुडाँडा तर्फ जाँदै गरेको बा.५ ख ३२३९ नम्बरको ट्रकको ठक्करबाट पैदलयात्री काठमाडौं चाबहिल बस्ने गोरखा घर भएकी ५८ वर्षीया जिरा देवी दानीको शनिबार बिहान मृत्यु भएको छ । ठक्करबाट गम्भीर घाइते भएकी उनको जोरपाटीस्थित शंखरापुर अस्पतालमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।

​सुनसरी, गढी गाउँपालिका–४ छिटाहास्थित सडकमा छिटाहाबाट चिमडीतर्फ जाँदै गरेको साइकल शुक्रबार बेलुकी दुर्घटना हुँदा साइकलयात्री बर्जु गाउँपालिका-६ बस्ने ७० वर्षीयकलकतिया चौधरीको मृत्यु भएको छ । दुर्घटनामा गम्भीरघाइते भएका उनको कोशी अस्पताल विराटनगरमा थप उपचारको क्रममा मृत्यु भएको हो ।

​मोरङ, बुढीगंगा गाउँपालिका-४ पशुपतिटोलस्थित सडकमा प्र.१-०२-००२ च ४६६५ नम्बरको पिकअपको ठक्करबाट सोही ठाउँ बस्ने शिवहरी पौडेलको छोरा ५ वर्षीय शम्भु पौडेलको शुक्रबार दिउँसो मृत्यु भएको छ । ठक्करबाट गम्भीर घाइते भएका उनको विराट टिचिङ अस्पताल गंगाचोकमा उपचारको क्रममा मृत्यु भएको हो । पिकअप चालकलाई प्रहरीले नियन्त्रणमा लिएको छ ।

​चितवन, रत्ननगर नगरपालिका-१ सौराहास्थित सडकमाभरतपुरबाट खैरहनीतर्फ जाँदै गरेको ना.३ ख ५७३७ नम्बरको बसको ठककरबाट पैदलयात्री खैरहनी नगरपालिका-८ बस्ने सिर्जना विककी छोरी ३ वर्षीया समिरा विकको शुक्रबार साँझमृत्यु भएको छ । ठक्करबाट गम्भीर घाइते भएकी उनको नयाँ मेडिकल कलेजमा थप उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।

​बर्दिया, गुलरिया नगरपालिका-३ बुढीखोलास्थित सडकमा गुलरीयाबाट खैरापुरतर्फ जाँदै गरेको भे.११ प ३८६३ नम्बरको मोटरसाइकल शुक्रबार राति दुर्घटना हुँदा चालकसोही नगरपालिका-७ गुलरीयागाउँ बस्ने २१ वर्षीय करण गुप्ताको मृत्यु भएको छ । दुर्घटनामा गम्भीर घाइते भएका उनको बर्दिया अस्पताल गुलरियामा उपचारको क्रममा मृत्यु भएकोहो ।

दुर्घटनाका सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।