विभिन्न धनमाल चोरी

काठमाडौं, ७ भदौ    

​काठमाडौं महानगरपालिका-१६ बालाजु खरिबोट डेरा गरी बस्ने गोरखा घर भएकी २३ वर्षीया पुष्पा थापाको कोठाबाट सुनका विभिन्न गरगहना र नगद समेत गरी करिब ४लाख ७१ हजार रूपैयाँ बराबरको धनमाल शुक्रबार दिउँसो चोरी भएको छ ।

यसैगरी काठमाडौं महानगरपालिका-२६ कपुरधारा पोख्रेली टोल डेरा गरी बस्ने गोरखा घर भएकी २७ वर्षीयालक्ष्मी गुरूङको कोठाबाट सुनका सिक्री १ थान र नगद समेत गरी करिब १ लाख ९५ हजार रूपैयाँ बराबरको धनमाल शुक्रबार दिउँसो चोरी भएको छ ।

​ ललितपुर, गोदावरी नगरपालिका-२ बस्ने बालकृष्ण गुरूङको घरबाट सुनका गरगहना र नगद समेत गरी करिब ३ लाख २६ हजार रूपैयाँ बराबरको धनमाल शुक्रबार साँझ चोरी भएको छ ।

​प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।