डुबेर तथा बगाएर मृत्यु

काठमाडौं, २९ साउन

​महोत्तरी, मटिहानी नगरपालिका-९ सिमरदही बस्ने राज किशोर पासवानको छोरी १५ वर्षीया मधु पासवानको सोही ठाउँस्थित पोखरीमा डुबेर बुधबार दिउँसो मृत्यु भएको छ । नुहाउने क्रममा डुबेर बेपत्ता भएको भन्ने खबर प्राप्त हुनासाथ जिल्ला प्रहरी कार्यालय महोत्तरी र प्रहरी चौकी मटिहानीबाट खटिएको प्रहरीले खोजी गर्ने क्रममा उनको शव फेला परेको हो ।

​अर्घाखाँची, शितगंगा नगरपालिका-९ स्थित कालधारे ठाडो खोलाले बगाएर सोही नगरपालिका-९ पाकुरी बस्ने ७० वर्षीय कुन्जवीर सुनारको बुधबार दिउँसो मृत्यु भएको छ ।

​यस सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।