मृत अवस्थामा फेला

काठमाडौं, १७ असार

चितवन, माडी नगरपालिका-७ गोपालनगरस्थित नेपाल मत्स्यपालन तथा कृषि फर्मको माछा पोखरीमा भरतपुर महानगरपालिका-२ क्षेत्रपुर बस्ने ६७ वर्षीय तारा बहादुर बस्नेत मंगलबार मृत अवस्थामा फेला परेका छन् ।

सर्लाही, ईश्वरपुर नगरपालिका-१२ घारीबथानस्थित खेतमा हाल नाम, थर र वतन नखुलेका अन्दाजी ६२ वर्षीय पुरूष मंगलबार मृत अवस्थामा फेला परेका छन् ।

कैलाली, जानकी गाउँपालिका-९ अमरावती बस्ने ८० वर्षीयामाता देवी शाही आफ्नै घरमा मंगलबार मृत अवस्थामा फेला परेकी छिन् ।

गोरखा, आरूघाट गाउँपालिका-४ धारश्वारा बस्ने ७१ वर्षीयक्षेत्र बहादुर थापा सोही ठाउँस्थित गुइखोला ( खहरे ) दोभानमा मंगलबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालय (केन्द्रीय प्रहरी समाचार कक्ष) ले दिएको छ ।