आगलागीबाट विभिन्न धनमाल जलेर नष्ट

काठमाडौं, ३० चैत  

​सर्लाही,  बलरा नगरपालिका-१० सुदामा बस्ने अजय कुमार सिंहको किराना पसलमा विद्युत सर्ट भई शुक्रबार दिउँसो आगलागी हुँदा फ्रिज, लहठी, नगद लगायतका विभिन्न सरसामान गरी करिब ३ लाख ६१ हजार रूपैयाँ बराबरको धनमाल जलेर नष्ट भएको छ ।

​यसैगरी सर्लाही, बरहथवा नगरपालिका-१० कटानीस्थितसोही ठाउँ बस्ने आत्मा राम रायको ओम प्रकाश हर्बलईन्डस्ट्रिजमा शुक्रबार राति आगलागी हुँदा करिब १२ लाख ३२ हजार रूपैयाँ बराबरको धनमाल जलेर नष्ट भएको छ ।

​काभ्रेपलाञ्चोक, बेथानचोक गाउँपालिका–३ ठुलाचौउर बस्ने ४६ वर्षीय तुला प्रसाद तिमल्सिनाको गोठमा शनिबार बिहान आगलागी हुँदा गोठ पूर्णरूपमा जलेर करिब १० लाख रूपैयाँ बराबरको धनमाल नष्ट भएको छ ।

दोलखा, जिरी नगरपालिका–७ कलङ बस्ने ईन्द्र बहादुर खत्रीको गोठमा गए राति आगलागी हुँदा करिब १ लाख ५० हजार रूपैयाँ बराबरको धनमाल जलेर नष्ट भएको छ ।

प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय
प्रहरी महानिरीक्षकको सचिवालय
(केन्द्रीय प्रहरी समाचार कक्ष)