डुबेर मृत्यु

काठमाडौं, ३० चैत  

​कपिलवस्तु, यशोधरा गाउँपालिका-४ पोखरभिट्वास्थित माछा पोखरीमा डुबेर सोही ठाउँ बस्ने सैफुल मियाको छोरा १०वर्षीय अर्सलान मियाको शुक्रबार साँझ मृत्यु भएको छ । पौडी खेल्ने क्रममा डुबेर अशक्त भएका उनको जिल्ला अस्पताल तौलिहवामा उपचारको क्रममा मृत्यु भएको हो ।

कैलाली, घोडाघोडी नगरपालिका-११ शिशैयास्थित कान्द्रा नदीमा डुबेर सोही ठाउँ बस्ने बिनोद कडायतको छोरा १३ वर्षीय उपेन्द्र कडायतको शुक्रबार दिउँसो मृत्यु भएको छ ।

बाँके, राप्तीसोनारी गाउँपालिका–३ सिनाबास बस्ने २०वर्षीया बिक्षिका थारूको सोही ठाउँस्थित राप्ती नदीमा माछा मार्ने क्रममा डुबेर शनिबार दिउँसो मृत्यु भएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय
प्रहरी महानिरीक्षकको सचिवालय
(केन्द्रीय प्रहरी समाचार कक्ष)